بعد وفاة الرسول صلي الله عليه وسلم ( كل من له نبي يصلي عليه يا خونا ) أصبحنا نردد مقولة بدون التفكير فيها ولو قليلاً " زمن المعجزات ذهب بلا رجعة " إلا أن زمن المعجزات ابداً لم ينتهي فهناك دلائل كونية علي وجودة تخيل !! اه والله عندك يعني لما تتجوز دي معجزة في حد ذاتها لان الزواج أصبح عمله نادرة ... لغة مضمحله ... اثار تاريخية محدش مهتم بيها الا الاجانب وبس.
الامومة معجزة ان يكون جواك جنين يكبر ويتولد ويكبر قصادك وتخن وخسسان المرأة معجزة برضك .. التطور إللي احنا فيه دا والعولمة والتيكنولوجيا دي معجزة والموت معجزة أخري يعني مين كان ممكن يتخيل ان اي مواطن عربي خارج الحدود الفلسطينية ممكن يستشهد ؟؟ والله دا كان حلم وامنية وتحققت اهو... بس زاي ما بنقول كده الحلو عمره ما يكمل او احترس مما تتمني ادينا بنستشهد علي يد اخواتنا واهلنا وولاد بلدنا والتريخ فجأة عاد نفسه قابيل يقتل هابيل وقابيل يحمل الكثير من الذنوب فوق كتافة ربنا بجد يرحمه مش متخيلة الوضع انا كل ما افكر قد ايه هو بيتعذب وبياخد ذنوب لانه اول شخص قتل علي وجه الارض ولما قتل ... قتل اخوه مقتلش حد تاني يعني واهو دا اللي حاصل فيكي يا بلد ادينا بنموت يا بلد مره نموت علي يد فرعون علماني واهو علي يد فرعون متأسلم اصلي مش هقدر اقول فرعون اسلامي مش هانسب حاجة غلط للاسلام لكنه متأسلم زاي مستأسد كده ههههه فكرتوني والله لما الصحابة راحو لرسول الله وقالو له يا رسول الله الحقنا النساء قد استأسدن فقال لهم اهجروهن في المضاجع ... طيب مرسي قد استأسد نهجره ازاي يعني؟؟ 90 مليون نهجره منين؟؟ ولا نعمل زاي القذافي بقي ؟؟ قالك انا هاروح اشتري شعب ليبي من افريقيا احنا نروح بقي نشتري رئيس قبيلة من افرقيا مثلا؟؟ ولا نشتري وطن ؟؟
وبعدين انا مش عارفة ايه التفرقة دي ؟؟ بقينا اخوان ومواطنين مسلمين ومواطنين مسيحين وسلفين الاخوان والسلفين ولاد عم ... زاي اليهود والفلسطينين طيب والمواطنين المسلمين والمسيحين ايه؟؟ كفاااااااااااااااااااار؟؟؟ هما فين من كل القرارات اللي عماله تطلع وتتلغي دي ؟؟ وبعدين يعني لامؤخزة يعني ايه رئيس يطلع يقول خطاب بليل؟؟ حضرتك انا شغلي الساعة 8 الصبح يعني لازم اخرج من بيتي 7 عشان شغلي بعيد استناك وسمعك بقي؟؟ ولا ادخل انام عشان اروح الشغل اللي بيأكلني عيش وانا بأكله بقلاوة؟؟؟
بص بقي يا ريس يا منتخب انت ... اي طلعة ع التليفزيون ليك بدون اذني هاخلي وجود التليفزيون علي سطح الارض معجزة كونية
