أغنية امريكا بسمعها بقالي كتير اسمها " هاخد الراجل بتاعك " كنت بحب اسمع الاغنية دي واقول ايه الجرأة دي وضحك وهيص لكن فجأة توقفت عند الجملة دي " أنا هاخد الراجل بتاعك منك !!" يا تري دا صح؟؟ يعني هو فعلا في بنات كده بتقرر انها تخطف راجل من واحده ؟؟ ولا الراجل بطبعه خاين وبصباص وديله زاي ديل الكلب عمره مينعدل لو علقوا فيه قالب؟؟
يا تري التيرموميتر بتعها محسسهاش بحاجة وهي بتخطف حبيب اختها في النوع الجنسي؟؟ يعني محستش كده بحكة وحرقة في ضمنرها الانثوي ؟؟ انا مش هاتكلم عن الراجل لانه اصلاً اساساً دورته الاخلاصية قصيرة جدا علي رأي صديقة ليا لكني هكلم البنت اللي زاي زايها كده هون وبما اني عشت اللحظة دي قبل كده كتير والحمد لله فا اللي بتتجرأ انها تاخد واحد من اهله بتعمل كده ازاي؟؟ ليه بتحب يتقال عنها حرمية ؟؟ لية بتحب يتقال عليها واطية والفاظ اخري ؟؟
كنت عماله اسأل نفسي لما واحدة بتتعرف علي شاب ويطلع متجوز بتدي لنفسها الحق انها تقابله وتخرج معاه تحت عنوان اصدقاء عايزة اسألها سؤال مهم جدا ؟؟ تحبي جوزك يتعرف علي بنوته ويخرج معاها تحت عنوان الصداقة ؟؟
مش عارفة بجد اقول ايه؟؟ غير اني برجوا البنات تلم نفسها شوية بقي عشان نعرف نشتم الرجالة بمزاج من غير مذكر يطلع لي من تحت الارض يقولي الله ماهو في بنات كده برضك!!
كانت معكم من خلف الكنبة
صدفة محمد
معاكى حق يابنتى والله فى شوية بنات عايزين الحرق مش عارفة ملتهم ايه ..بس هو كدا فى ناس شريرة بطبعها
ReplyDelete