رحلة الايام

كنت بعد اسأل نفسي كتير وأنا مسافر هاخد معايا أيه؟؟ لقتني بعد حاجات كتيرة قوي .... لاب توبي - موبايلي-سشواري -مكياجي - هدومي - جذمي - شنطي - ال ام بي ثري بتاعي -برفناتي -الفرشة والمعجون والميشط والشامبو والبلسم وكريم التصفيف وكريم الايد ومزيل العرق- المصحف الناطق ...... حاجات كتير جداً تعتبر كراكيب ليها لزمة عندي يمكن عند غيري لاء

 

لكن لما فكرت ياتري وانا مسافرة احب اشيل ايه من الكتب؟؟ اعدت افكر كتير جدا قلت انا لو عليا كا مواطن مصري وليا حقوق مصرية انا لازم اخد كتبي كلها معايا لكن الوزن في كل مكان في وزن انت ملتزم بيه صح ولا لا؟؟ صح طبعا ... طيب اعدت افكر هاخد ايه؟؟ هاخد ايه؟؟ في الاخر الكتب تقلصت في كتاب واحد والحمد لله كان كتاب التنمية البشرية لكريم الشيخ

 

 

اخترت الكتاب دا لانه هايفدني كتير كل ما احس باحباط هافتحه واقرأ فيه لانه هايعد يفكرني باللي محدش بيفكرني بيه ... هايسعدني عشان افكر بطريقة اجابية لان التفكير الايجابي في حد ذاته اصبح عمله نادرة زاي المليم المصري كده... اخترت الكتاب دا لانه هايساعدني علي رفع سقف طموحاتي ودا اللي أي حد محتاجة في أي مكان.

 

 

عشان كده بقولك دور جوه كراكيب وشوف انت عايز تسافر بايه؟ محتاج بس هدومك وجذمك وشنطك ولا محتاج بس علمك ولا محتاج الاتنين مع بعض ولا محتاج شوية حظ ؟؟ لان علي اساس دا هاتكلم رحلة حياتك ... مش لازم تسافر بعمني السفر انك تسيب بلدك وتروح بلد تانية ... بس استعد لرحلة الايام لانها اهم رحلة في حياتك ومبتخلصش.

 

عيشها بإيجابيه هاتعشها بحرية ...

كان معكم من حزب الكنبة

أختكم ..

صدفة محمد