كل جمعة

في ناس شبهي كتير ميفهومش حاجة في السياسة الدولية  ( الحكومة ) وانا مصممة أقول سياسة دولية لان كل حاجة في حياتنا مبنيه أصلا علي السياسة ... سياسة ماما في البيت وصلحيتها طول ما بابا باره البيت وسياسة بابا جوه البيت في الوقت اللي ماما بتكون غضبانه وعند سيتو مقموصه وسياستك في التعامل مع أصحتابك في المدرسة او النادي او الجامعه او الجيم او النت او الشغل او من جوه العائلة ... سياستك في دينك انك تعيش ع اساس ديني او تعيش ع اساس علماني اكتر ... السياسة اللي بتتبعها كل بنت مع كل ولد وسياسة كل ولد مع كل بنت.

 

أنا مليش في سياسة الحكومة لان اسرتي ربوني ع طريقة امشي جمب الحيط واحنا مش قد عفاريت السيالة واللي بيعملوه وانتي بنت ومحليتناش غيره لو اتحرق هاندبحك وحياتكم ولو كنت ولد كان هايتقالي زاي متقال لخويا الصغير لو خدوك ورجعت لينا فاقد عقلك هانعمل ايه؟؟ ولا يعملو فيك زاي علان ولا ترتان هانروح فين ونجري منين؟؟

عشان كده كبرت دماغي جدا من أي حاجة ممكن تشغل دماغي وحبيت التفاهة اصل كل حاجة كنت بحاول اقرب منها طلعت توديني المعتقل والمخابرات المصرية بقي تزورنا الفجر ان شاء الله يغتصبوني ويكسروني وبعدين يرجعوني لاهلي عشان يدبحوني ... فضلوا يكبروا جواية الخوف ان يكون لي صوت ... لحد ما قامت الثورة كنت كمان محبوسة انا واخويا ال ايه؟؟ اصل لو مبارك فاق لبتوع التحرير هايقبرهم في مقبره جماعية وطبعا كانت صدمة لخويا الولد انه يتحبس جوه البيت زاي البنات وكان صعب عليا انا شخصيا اتقبل دا لاني حاسيت اني ندلة وواطيه ومعنديش أي انتماء وطني لانهم قتلوا جواية الانتماء دا وفي الاخر اتقال عليا فلوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول

وانا مش فلول وربنا ما فلول ... اقسم بالله العظيم اني مش فلوووووووووووووووووووووووووووووووووووووووووووول انا مجرد مواطن اتحرم من حقوقة بسبب نظام 50 سنة فاتوا ( انا بعد من يوم ما جمال عبد الناصر مسك الحكم معنديش خيار وفقوس ) لكن الوطنية دي صحيت معايا وفاقت من الحالة اللي كانت هي فيها لما بدأت اتابع باسم يوسف لاني حاسيته واحد من الشعب وعايز يغير حاجة هو وكل الجروب اللي معاه اللي لولاهم كان زماني مختومة علي قفايه وبقول علي كلام بابا وماما  اميييييين ( اصلهم اخوان بس من تحت لتحت ... انتخبوا مرسي ورجعوا قالوا احنا مش اخوان ... بيدفعوا عن مرسي ويقولوا عنده سياسة خفيه ويرجعوا يقولوا مش اخوان ... مش فهمه بصراحة بابا وماما )

 

بقيت بستني كل يوم جمعة بفارغ الصبر واعد ع النت قصاد التليفزيون والروموت كنترول في ايدي اللي هايمد ايده علي الرومت هاشرحه اااااااااااااه دا برنامج البرنامج مع باسم يوسف .,..

كل جمعة من 11 إلي 12 مساءاً توقيت مهم في حياتي لانه بيفهمني اللي مش فهماه وبيهون عليا الصدمة ... وبيفتح عيني بطريقة خفيفة بدل مفهم بطريقة تحرق دمي تجبلي سكر وضغط والقلب ... بينقل لي الواقع والحقيقة ويخليني ابتسم واقول جوايه ( يا رب عيني علي مابليتنا )

 

باسم يوسف ... معدين برنامج البرنامج ... مخرج برنامج البرنامج ... قناة CbC اللي ادت فرصة لبرنامج البرنامج ... ميرسي لانكم كل جمعة بتهوينوا علينا وبتفتحوا عينينا بطريقة راقية.

 

كان معكم اختكم المعجبة (ونفسي اتصور صورة معاكم وربنا) من خلف الشاشة ...

صدفة محمد.